Medio Rural suspende a partir deste luns os permisos de queimas ata novo aviso

Lembrar que está totalmente prohibido levar a cabo este tipo de labores, inda que a persoa responsable da queima teña unha autorización previa da Consellería, dado que con vento a normativa prohibe sempre o uso do lume

Santiago, 10/04/2011
Ante as previsións meteorolóxicas adversas para as próximas horas e días, con vento moderado do nordés e altas temperaturas, a Consellería do Medio Rural decidiu suspender, ata novo aviso, a concesión de permisos para a realización de queimas nos montes galegos.

Esta decisión ten efectos inmediatos, polo que este vindeiro luns, 11 de abril, será o último día para realizar estas queimas.

Deste xeito, queda totalmente prohibido levar a cabo este tipo de labores, malia que a persoa responsable da queima teña unha autorización previa da Consellería, dado que con vento a normativa prohibe sempre o uso do lume.

Trátase dunha medida preventiva, que se adopta tendo en conta as condicións climáticas previstas para os vindeiros días.