Os membros do GES de Brión extinguen un lume nunha caseta na Travesía do Porto

Efectivos do Grupo de Emerxencias Supramunicipal de Brión extinguiron na noite de onte martes un lume urbano declarado nunha caseta de obra situada na Travesía do Porto, no Milladoiro (Ames). O GES de Brión recibiu a chamada de alerta do 112 ás 21:50 horas e desprazouse coa Bomba Urbana Lixeira (BUL), procedendo á extinción do lume e ao arrefriamento da zona.
Ata o lugar tamén se desprazaron efectivos dos Bombeiros de Boiro, que finalmente non tiveron que intervir. A incidencia pechouse ás 23:30 horas, sen que houbese que lamentar danos persoais e sen que aínda se coñezan as causas do lume, que deixou a caseta bastante danada.